|
 |
Xəbərlər
|
|
 |
|
| |
“Dağlıq Qarabağ məsələsi tez bir bir vaxtda tənzimlənməlidir”. Bunu Azərbaycan Prezidenti İlham Əliyev rusiyalı həmkarı Dmitri Medvedevlə birgə mətbuat konfrasında deyib. Onun sözlərinə görə, danışıqlar prosesi artıq neçə illərdir ki, davam edir: “1992-ci ildə bu məsələ ilə məşğul olan Minsk qrupu yaradılıb. 1994-cü ildən atəşkəs haqqında saziş bağlanıb. O vaxtdan atəşkəs rejimi mövcuddur. Lakin bütün bu illər ərzində münaqişənin tammiqyaslı tənzimlənməsinə təəssüf ki, nail ola bilməmişik. Azərbaycan əraziləri işğal altındadır. Azərbaycanlılara qarşı etnik təmizləmə siyasəti yeridilmiş, nəticədə Dağlıq Qarabağdan və Dağlıq Qarabağın ətrafındakı yeddi rayonun ərazisindən yüz minlərlə azərbaycanlı qovulub. Beynəlxalq təşkilatların qətnamələri mövcuddur. BMT Təhlükəsizlik Şurası 4 qətnamə qəbul edib. Həmin sənədlərdə işğalçı qüvvələrin Azərbaycan ərazisindən çıxarılması haqqında tələblər irəli sürülür. ATƏT-in Lissabon sammitinin qərarları, digər beynəlxalq təşkilatların qətnamələri mövcuddur”.
|
|
|
| |
Əhalinin maddi güzəranının yaxşılaşdırılması və sosial müdafiəsinin daha da gücləndirilməsi məqsədilə prezident İlham Əliyev sərəncam imzalayıb. Sərəncama əsasən, minimum aylıq əməkhaqqının məbləği 2010-cu il sentyabrın 1-dən 85 manat müəyyən edilib.
Nazirlər Kabinetinə bu sərəncamdan irəli gələn məsələləri həll etmək tapşırılıb.
|
|
|
| |
“The Evolving Internet” (“İnkişaf edən internet”) hesabatı çərçivəsində “Cisco” şirkəti və “Monitor Group” təşkilatının mütəxəssisləri internetin inkişafına dair dörd mümkün tendensiya proqnozlaşdırıblar. Xeberler.az-ın Rabitə və İnformasiya Texnologiyaları Nazirliyinin rəsmi saytına istinadən verdiyi məlumata görə, ehtimal edilən tendensiyaların birinə əsasən Qlobal Şəbəkə sürətli ekspansiya xətti üzrə inkişaf etməkdə davam edəcək.
|
|
|
| |
2010-cu ildə Qazaxıstanla Azərbaycan arasında mal dövriyyəsinin artırılması nəzərdə tutulub. Bu barədə Qazaxıstanın Azərbaycandakı fövqəladə və səlahiyyətli səfiri Serik Primbetov bazar ertəsi mətbuat konfransında bildirib.
"Münasib dövrdə ölkələr arasında mal dövriyyəsi ildə 400 milyon dollara yaxın, 2007-ci ildə 405 milyon dollar, 2008-ci ildə 465 milyon dollar təşkil edib; 2009-cu ildə isə o, dünya maliyyə böhranı və taxılın satış həcminin azalması ilə əlaqədar, təxminən, yarıbarı - 236 milyon dollaradək aşağı düşüb", - Primbetov bildirib.
Onun sözlərinə görə, 2010-cu ildə müsbət tendensiyalar olub, "və biz mal dövriyyəsinin böhranaqədərki həcmlərini əldə etməyə nail olacağımıza ümid edirik".
|
|
|
| |
Rusiya Prezidenti Dmitri Medvedev sentyabrın 2-3-də Azərbaycana rəsmi səfər edəcək, - bazar ertəsi Kremlin mətbuat xidməti bu barədə məlumat verib. Məlumatı "RİA-NOVOSTİ" yazıb.
"Hazırkı səfərin başlıca mövzusu dövlət sərhədləri arasında müqavilənin və bu müqavilə ilə bir paketdə yer alan Samur çayının su resurslarından bərabər istifadə olunması haqqında sazişin imzalanması olacaq". Rusiya XİN başçısı S.Lavrov səfər ərəfəsində Azərbaycan KİV-ə verdiyi müsahibəsində Trend-in sualını cavablandırarkən bildirib.
"Şübhəsiz, tərəfdaşlığımızın təməli kimi iqtisadi əməkdaşlıq, əlbəttə, bizim ticari-iqtisadi əlaqələrimizə də toxunan böhrana baxmayaraq, istənilən sammitdə, istənilən danışıqların gedişində çox mühüm yer tutur. Hazırda vəziyyət xeyli düzəlir və mal dövriyyəsi yüksəlişdədir. Həm sənayedə, həm nəqliyyatda, həm də bank sahəsində uğurla inkişaf edən investisiya layihələri var. Əminəm ki, prezidentlər bu sahələrdə işlərin vəziyyəti ilə bağlı bu cür ümumi prinsipial xülasə aparacaq və zərurət olarsa, qarşılıqlı fəaliyyətimizin bu və ya digər istiqamətlərinə siyasi təkan verəcəklər", - Lavrov deyib.
Onun sözlərinə görə, tərəflər humanitar əlaqələri də müzakirə edəcəklər.
|
|
|
Ümumi 73 xəbər vardır. 15 səhifənin hərəsində 5 xəbər dərc edilib
[ 1 | 2 | 3 | 4 | 5 | 6 | 7 | 8 | ...| 15 ] [>>] |
|
|
|
Şəxsi məlumatım 
Əhməd əfəndi Çələbizadə kimdir?
Rusiya Azərbaycana Cənubi Qafqazda mühüm strateji tərəfdaş kimi baxır - xarici işlər naziri Sergey Lavrov (MÜSAHİBƏ)
Türkiyə-Ermənistan münasibətlərinin normallaşdırılması üzrə atılan addımlar heç bir nəticə verməyib - yeni Baş Qərargah rəisi 
Moskvada avtomobil sərgisi keçirilib - foto
Medvedev məscidi ziyarət etdi (FOTO)
Ayasofiyanın məscid statusu bərpa edilməlidir - Türkiyənin müxalifət partiyasının sədri
Xocalı faciəsinin “unudulma” faciəsi
İranın problemləri Türkmənistanın enerji potensialını artırır
“Azadlıq donanması”nın qiyməti - Trend-in icmalçısı
